Plantun de Prouvènço

Pèr coumpara dos planto d'encò nostre

Allium ursinum & Thalictrum aquilegiifolium

Allium ursinum

Amaryllidaceae Alliaceae

Noms en français : Ail des ours, Ail des bois.

Descripcioun :
L'aiet-bastard trachis dins li faio e li blachiero umido. S'apren à-n-acò que se vèi quàsi pas en Prouvènço, en deforo di relarg mountagnous. Se recounèis à si làrgi fueio pourtado pèr un pecou, e à si flour blanco coume lou la e un pau grando (fin qu'à 1,5 cm).

Usanço :
"- Se vesias, nous disié lou Jóuse, soun pas marrit aquélis aiet. Tenès, tastas.
- Verai ! soun bon. Hòu ! pourrias faire l'aiòli". ("En Mountagno", op.cit p. 72)
Èi l'aiet fèr lou mai manja en Éuropo e acò desempièi lou neoulitique. Poudès acampa li fueio, li flour, li boutoun, li jóuini fru e li veno. S'adoubon de proun de biais, en ensalado, cue... A peréu li mémi prouprieta que l'aiet cultiva (vèire çai-souto), èi peréu riche en vitamine C e fai meigri.

Port : Erbo
Taio : 15 à 40 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Allium
Famiho : Amaryllidaceae
Famiho classico : Alliaceae

Ordre : Asparagales

Coulour de la flour : Blanco
Petalo : 6
Ø (o loungour) flour : 1 à 1,5 cm
Flourido : Printèms

Sòu : Ca (Si)
Autour basso e auto : 0 à 1600 m
Aparado : Noun
Abriéu à mai

Liò : Faio - Blachiero - Ribiero
Estànci : Coulinen à Mountagnard
Couroulougi : Éurasiatico
Ref. sc. : Allium ursinum L., 1753

Couloumbino(-di-fueio-de-galantino)

Thalictrum aquilegiifolium

Ranunculaceae

Noms en français : Pigamon à feuilles d'ancolie, Colombine panachée.

Descripcioun :
Aquesto couloumbino es uno grando planto que trachis en mountagno dins li prado à rousèu e proche d'aigo. Fai de gràndis enflourejado blanco de la coulour dis estamino, e coume tóuti li couloumbino sènso petalo. Li fuioun soun peréu grand, dous cop mai long que larg.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 30 à 120 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Thalictrum
Famiho : Ranunculaceae

Ordre : Ranunculales

Coulour de la flour : Jauno
Petalo : 5
Ø (o loungour) flour : 1,5 cm
Flourido : Printèms

Sòu : Ca
Autour basso e auto : 200 à 2200 m
Aparado : Noun
Mai à juliet

Liò : Ribiero - Prado à rousèu
Estànci : Mountagnard à Subaupen
Couroulougi : Éurasiatico
Ref. sc. : Thalictrum aquilegiifolium L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Allium ursinum & Thalictrum aquilegiifolium

ges

Coumpara Aiet-bastard emé uno autro planto

Coumpara Couloumbino(-di-fueio-de-galantino) emé uno autro planto